Nacional 2013
 Krystyna Lenkowska ka botuar tetë vëllime me poezi, dy prej të cilave u botuan në edicione dygjuhëshe polonisht-anglisht: Keep off the Primroses (Mbahu larg aguliçeve), 1999, dhe Eve’s Choice (Zgjedhja e Evës), 2005. Poezitë, fragmentet e prozës, përkthimet, shënimet letrare dhe intervistat e saj u botuan në shumë gazeta dhe antologji në Poloni (Fraza, Odra, Topos, Twórczo??), SHBA (Absinthe, Boulevard, Chelsea, Confrontation, The Normal School, Spoon River Poetry Review), Ukrainë, Bosnjë dhe Hercegovinë, Republikën Çeke, Lituani, Maqedoni, Mongoli dhe Indi. Më 2013, poezia e saj “Syri i John Keats-it në Romë” fitoi çmimin e parë në konkursin ndërkombëtar të poezisë në Sarajevë, “Kërkim i një poezie”. Sivjet ajo u laurua me çmimin letrar “Menada” të Festivalit Ndërkombëtar të Poezisë “Ditët e Naimit”, Tetovë. Lenkowska është anëtare e Shoqatës së Shkrimtarëve të Polonisë.
Përktheu nga anglishtja: Silke Liria Blumbach NË NGJYRËN E MËLLAGËS – VALSI I CHOPIN-IT Ai luajti një vals pastaj livadh dhe erë ajo fluturoi mbi barin majhosh mbi një sonatë dhe mbi një prelud sikur ajo të mos jetonte më ende nuk jetonte në trupin e saj tha dhe e ftoi në vendin e saj të nesërmen mbasdite Mon Dieu! ajo pi një puro vesh pantallonat (a është femër?) kapele si flakadanë kostumi i saj kuq-e-bardhë ka thashetheme që gjaku i një mbreti polonez qarkullon në dejtë e saj dhe ajo vallëzonte mazurka poloneze o Zot! pas pak do të zhvendosë pianon e tij të modës në vendin e saj ajo shkruan libra të mençur çdo ditë pas darkës kjo nënë e re si bashkëshorte e një faraoni ajo e quan gjeniun e saj dhe ngordhalaqin e saj fëmijët e saj ruajnë derën e dhomës së fjetjes duke shpresuar që ai do të vdesë në Majorkë kërret dhe është duke vdekur gishtat e tij të lagësht e të akullt dhe telat monotonë të shiut e vrasin trembet nga vdekja dhe dhembshuria mjekët e ishullit thonë se do të vdesë shpejt ose ka vdekur tashmë në Paris e presin sallone një dendi, mbi një triko vë ngjyrën e mëllagës dhe doreza si hikërror i bardhë si bora një stuhi e kërmëztë ngrihet në gjoksin e tij shkëndijat e saj do të ndezin gjithçka në një zjarr të përkryer kollitet dhe pështyn gjak prapa dërrasës së kraharorit të tij, mall për atdheun polonez i pagjumë si agimi kozmik ajo është aq tmerrësisht e gjallë dhe e bukur kudo përreth mbretër jete pinë gëlltisin argëtohen pas tyre vërshimi dhe zjarri shumë larg atje ëndërroi për dritë dhe për qiellin që lind mbi një pyll thuprash në kuinta dhe oktava të pastra këtu tavane rrezatuese si gjymtyra peme bien në akorde treshe djallëzore kush është ky? luaj or bir mos kursej asnjë tingull mos ndal. SYRI I JOHN KEATS-IT NË ROMË Orë të tëra gjendet në dritare nganjëherë hidhet mbi Shkallën Spanjolle ose në lumin Tiber mbi shkallët plaset dhe pastaj si xhel meduze kthehet i paprekur në pëllëmbën e bronztë të një shitësi rruge në ujë noton dhe pastaj fluturon për të tharë krahët fshin harqet e Hadrianit të urave qiellin e kupolave të Vatikanit varganët e pishave të horizonteve në mbrëmje porosit të njëjtën verë në të njëjtin bar më në fund i kthehet dritares dhe shkruan mbi xham me gishtin e tij turmat mbi shkallët nuk e lënë të flejë gjumë nuk di se çfarë të bëjë tjetër kështu që fillon gjithçka përsëri nga bebëza nga bërthama. NEKROLOGJI PËR WISLAWA SZYMBORSKA Pas një jete të durueshme dhe të padurueshme sipas rregullit Me veçantinë e saj të fshehur si medaljen e çmimit Nobel Në sirtarin e saj Wislawa Szymborska vdiq Në shtratin e saj Në gjumin e saj Në një natë me të ftohtë therëse Nuk dëshironte të bezdiste askënd Dhe qetësisht u zhduk ashtu si Dikush përvidhet jashtë për të blerë shkrepësa në kioskën e gazetave Ndërsa të tjerë gëzojnë kohën më të lumtur të jetës Kështu, në një mot aq të ftohtë Le të mbeten të tjerët nën batanije ngushëlluese kurse ajo mbaron Duke e ëndërruar veten deri në fund të fundit Në heshtje të përsosur Ku një çast Është i kristaltë dhe në mëngjes pjesëza ari Bien nga dielli aq lehtë Saqë i shmangen ligjit të Gjithçkaje. Përktheu nga anglishtja: Silke Liria Blumbach http://gazeta-nacional.com/?p=6584 |